પ્લાસ્ટિકની બોટલમાં રાખેલુ પાણી પીવો છો તો સાવધાન ! કેન્સર થવાની શક્યતા...

ભારતીયો જુગાડ માટે ખુબ જાણીતા છે. ખાલી થઈ ગયેલા ટૂથપેસ્ટના પાઉચમાંથી પેસ્ટ કાઢવાની હોય કે પછી પેનમાં નાડુ નાખીને પાયજામામાં નાખવાની હોય, દરેક સમસ્યાનો ઉકેલ આપણી પાસે છે. આવા જુગાડના આધારે આપણે ઘણી વસ્તુઓને બરબાદ થતી બચાવવાનો પ્રયત્ન કરતા રહીએ છીએ.

ઠંડાપીણાની બોટલોમાં પાણી

લોકો ફ્રીજમાં પાણીની ફેન્સી બોટલો સાથે પાણીથી ભરેલી કોલ્ડ્રિન્ક્સની ખાલી બોટલો પણ જોશો. જો તમે એકવાર વિચારશો તો આ પ્લાસ્ટિકની બોટલનો યોગ્ય ઉપયોગ માનવામાં આવશે, પરંતુ તેની પાછળનું સત્ય જાણ્યા પછી કદાચ તમે આવા જુગાડ કરવાથી બચશો.

કોલ્ડ્રિન્ક અથવા મિનરલ વોટરની બોટલમાં પાણીને લાંબા સમય સુધી રાખવું તમારા સ્વાસ્થ્ય માટે હાનિકારક હોઈ શકે છે. વાસ્તવમાં, જ્યારે આ બોટલોનો લાંબા સમય સુધી પાણી ભરીને ઉપયોગ કરવામાં આવે છે, ત્યારે તેમાં ફ્લોરાઈડ અને આર્સેનિક જેવા તત્વો બનવા લાગે છે. આ તત્વો શરીર માટે ખૂબ જ હાનિકારક છે. વૈજ્ઞાનિકોએ તેને શરીર માટે સ્લો પોઈઝન પણ ગણાવ્યું છે.

કેન્સરનું જોખમ વધારે છે

ઘણા અહેવાલો અનુસાર, પ્લાસ્ટિકની બોટલમાં રાખવામાં આવેલા પાણીથી શરીરની રોગપ્રતિકારક શક્તિ પર પણ ખરાબ અસર પડે છે. એવું માનવામાં આવે છે કે તેમાંથી ઉત્પન્ન થતા રસાયણો શરીર પર ઊંડી અસર કરવા લાગે છે. એટલું જ નહીં પરંતુ પ્લાસ્ટિકમાં રહેલા phthalates જેવા કેમિકલ્સ લીવરના કેન્સરનું જોખમ પણ ઉભું કરી શકે છે.

પ્લાસ્ટિકની આ બોટલોમાં લાંબા સમય સુધી પાણી રાખવાથી BPA બને છે. BPA એક એવું રસાયણ છે જે શરીરમાં મોટાપા, ડાયાબિટીસ વગેરે જેવી બીમારીઓનું કારણ બને છે. તેને Biphenyl A પણ કહેવામાં આવે છે.આ બધા સિવાય જ્યારે બોટલમાં રાખેલુ પાણી સૂર્યપ્રકાશના સંપર્કમાં આવવાથી અથવા અન્ય કોઈ કારણસર ગરમ થઈ જાય છે, તો તેમાં ઝેરી તત્વો બનવા લાગે છે અને તેનાથી કેન્સર થવાનુ જોખમ પણ વધે છે.

plastic bottel water cause cancer - gujju news channel - life style news in gujarati - gujju news